Sund
Sund
Upplýsingar um deildina
Sunddeild Fjarðar er fyrir alla þá sem hafa áhuga á að læra og æfa sund. Æfingar fara fram í Ásvallalaug í Hafnarfirði bæði í grunnri og djúpri laug. Sunddeildin tekur þátt í mörgum skemmtilegum sundmótum á hverju tímabili.
Það er sjálfsagt að koma og prófa sundæfingu.
Sílahópur
Sílahópur er byrjendahópur þar sem helstu markmiðin eru að verða örugg í vatni og læra grunnhreyfingar í sundi. Kennsla fer fram í grunnri laug tvisvar í viku, 50 mínútur í senn. Gengið er út frá því að hver og einn iðkandi sé með persónulegan aðstoðarmann ofan í lauginni eins lengi og þörf er á eða eins lengi og þurfa þykir. Iðkendur fara upp í næsta hóp þegar þjálfari metur það svo að þeir séu orðnir öruggir og vel syndir án allrar aðstoðar.
Höfrungar
Höfrungar æfa þrisvar í viku klukkutíma í senn í 25 metra laug. Helstu markmið hópsins eru að ná góðum tökum á tækni, læra að synda lengra í einu án þess að stoppa og læra grunn atriði við þátttöku í keppni. Iðkendur fara upp í næsta hóp þegar þeir hafa náð góðum tökum í öllum sundaðferðum og sýna áhuga og hafa getu til að synda lengi.
Hákarlar
Hákarlar æfir sex sinnum í viku, tvo tíma á virkum dögum og einn og hálfan á laugardögum. Ýmist er æft í 25 eða 50 metra laug. Í þessum hópi er komin aukin áhersla á tækni og markmiðið er að hver iðkandi geti náð sem bestum árangri að sínum markmiðum hverju sinni. Farið er ítarlega í tæknileg atriði og þátttöku í stærri verkefnum.
Æfingatafla
Allir sundhópar æfa í Ásvallalaug.
Byrjendur
- Mánudaga 18:00 – 18:50
- Miðvikudaga 18:00 – 18:50
Höfrungar
- Þriðjudaga 17:00 – 17:55
- Fimmtudaga 17:00 – 17:55
- Laugardaga 10:30-11:30
Hákarlar
- Mánudaga 15:45 – 17:45
- Þriðjudaga 15:45 – 17:45
- Miðvikudaga 15:45 – 17:45
- Fimmtudaga 15:45 – 17:45
- Föstudaga 15:45 – 17:45
- Laugardaga 10:00 – 11:30
Þjálfarar
Hjörtur Már Ingvarsson Þjálfari höfrunga
Hjörtur hefur þjálfað höfrungana með hléum frá árinu 2017. Hann hefur sótt þjálfaranámskeið hjá ÍSÍ og þjálfararáðstefnur hjá SSÍ. Sundferlill Hjartar spannar 18 ár en hann byrjaði að æfa sund árið 2007 og er ennþá að. Afrek Hjartar í sundlauginni eru fjölmörg, hann hefur farið á fjögur norðurlandamót og tvö evrópumót og á evrópumetið í 200m bringusundi. Hjörtur setti heimsmet í sínum fötlunarflokki í 1500m skriðsundi. Hjörtur á öll íslandsmet í sínum flokki í 25m laug og allflest í 50m laug. Hjörtur brennur fyrir félagið sitt og hefur mikinn metnað fyrir hópnum sínum.