Frjálsar íþróttir

Frjálsíþróttadeild Fjarðar hefur aðstöðu til æfinga í Kaplakrika í Hafnarfirði bæði innandyra og utan. Æfingar fara fram þrisvar sinnum í viku í eina og hálfa klukkustund í senn. Frjálsar íþróttir er fjölbreytt og einstaklingsmiðuð íþrótt þar sem auðvelt er fyrir iðkanda að finna sig þar sem margar greinar eru í boði. Þjálfari leggur áherslu á að finna út hvaða grein hentar best hverjum iðkanda hvort sem það er ein grein eða fleiri. Áhersla er lögð á metnað, vinnusemi, framfarir og hafa gaman á æfingum. Greinar sem í boði eru, kúluvarp, langstökk, spretthlaup, langhlaup, kringlukast, spjótkast og sleggjukast.