Aðalfundur Fjarðar verður haldinn þriðjudaginn 24. mars 2026 í Ásvallalaug, fundarsal 2. hæð og hefst kl. 20:00.
Dagskrá er sem hér segir:
1. Kosning fundarstjóra og fundarritara.
2. Skýrsla stjórnar.
3. Reikningar félagsins.
4. Skýrsla stjórnar og reikningar lagðir fyrir fund til samþykktar.
5. Skýrsla foreldrafélags.
6. Kosið í fastar nefndir félagsins.
7. Lagabreytingar.
8. Kosning stjórnar og félagslegra skoðunarmanna reikninga félagsins.
9. Félagsgjöld/árgjöld.
10. Önnur mál.
11. Fundarslit.

Íslandsmót ÍF í sundi var haldið í Laugardagslaug 7. til 9. nóvember.  Fyrir hönd Fjarðar kepptu þau Sigrún, Emelía Ýr, Anna Rósa, Rósa Kristín, Guðfinnur og Róbert Ísak en til þess að hafa tækifæri á að synda á Íslandsmótinu þurfa keppendur að ná ákveðnum lágmörkum í sundgreinum. Framistaða okkar keppanda var stórkostleg og auðséð að við eigum mikið af keppendum sem standa framarlega í sundi fatlaðra á Íslandi.

Sigrún varð Íslandsmeistari í 50m skriðsundi, 100m skriðsundi og 200m skriðsundi.

Emelía varð Íslandsmeistari í 50m baksundi og 50m flugsundi. Hún hafnaði í 3. sæti í 50m skriðsundi og 5. sæti í 200m skriðsundi.

Anna Rósa varð í 2. sæti í 50m baksundi, 50m skriðsundi og 100m baksundi. Hún varð svo í þriðja sæti í 100m skriðsundi og 200m skriðsundi.

Rósa Kristín varð Íslandsmeistari í 100m baksundi, og varð í 4. sæti í 50m skriðsundi, 100m skriðsundi og 200m skriðsundi.

Guðfinnur Vilhelm varð Íslandsmeistari í 200m skriðsundi, 100m baksundi, 400m skriðsundi og 200m fjórsundi.

Róbert Ísak varð Íslandsmeistari í 100m flugsundi, 100m bringusundi, 50m bringusundi og 50m flugsundi.

birt á vef 03.12.2025

Sundmót Fjarðar var haldið laugardaginn 25. október. Ásamt Firði, ÍFR og Ösp tóku þátt keppendur frá SH sem margir voru að stíga sig fyrstu skref á sundmóti.  Keppendur allra félaga voru að standa sig með stakri prýði og voru mörg persónuleg met slegin.

Myndir frá mótinu má sjá á facebook síðu Fjarðar 

birt á vef 29.10.2025

Norðurlandamót í frjálsum íþróttum fór fram í Turku í Finnlandi helgina 9. og 10. ágúst sl. Fjörður átti 5 keppendur á mótinu. Þrátt fyrir mikinn hita stóð okkar fólk sig með sóma.

Aníta Ósk Hrafnsdóttir sigraði 1500m hlaup á tímanum 7:11,26 og varð norðurlandameistari, Aníta varð einnig norðurlandameistari í 5000m hlaupi þar sem hún sigraði á tímanum 28:04,32. Að auki lenti Aníta í þriðja sæti í kúluvarpi þar sem hún kastaði kúlunni 7,54 metra og þriðja sæti í kringlukasti þar sem hún kastaði kringlunni 13,92 metra.

Brynjar Ingi Ingibjargarson tók þátt í 100m hlaupi þar sem hann hljóp á tímanum 14,18 sek. sem var 9. besti tíminn. í 400m hljóp Brynjar á tímanum 1:07,86 og varð í 5. sæti, hann varð síðan í 6. sæti í 200m á tímanum 29,53 og í 7. sæti í 800m hlaupi á tímanum 3:00,18.

Daníel Smári Hafþórsson keppti í 100m hlaupi og varð í 5. sæti á tímanum 13,73, Daníel tók þriðja sætið í 1500m á tímanum 5:51,76 og 4. sætið í 800m á tímanum 2:43,25. Daníel keppti einnig í langstökki þar sem hann lenti í 4. sæti með stökk uppá 4,7m.

Emil Steinar Björnsson landaði þremur silfur medalíum í kastgreinum en hann kastaði kúlunni 8,02m. Hann kastaði kringlunni 22,57m og spjótinu kastaði Emil 19,9m.

Karen Guðmundsdóttir lenti í 3. sæti í 100m hlaupi á tímanum 17,16, hún varð í . sæti í 200m hlaupi á tímanum 37,24. Karen stökk 3,34m í langstökki sem skilaði henni 3. sætinu. Í kúluvarpi varð Karen í 4. sæti með kast upp á 7,45m og hún varð í 2. sæti í spjótkasti þar sem hún kastaði spjótinu 22,64m.

Hópurinn var ánægður með ferðina og Fjarðarfjölskyldan er stolt af þessu flotta árangri frjálsíþróttafólksins okkar.

fleiri myndir er hægt að sjá á facebook síðu Fjarðar https://www.facebook.com/fjordurithrottafelag

birt á vef 14.0.2025

Uppskeruhátíð Fjarðar fór fram þann 4. júní síðastliðinn. Á uppskeruhátíðinni eru veittar viðurkenningar  og íþróttafólk Fjarðar valið. Í ár voru það þau Aníta Ósk Hrafnsdóttir úr frjálsum og Róbert Ísak Jónsson sundmaður sem að urðu fyrir valinu sem íþróttakona og íþróttamaður Fjarðar, frábært íþróttafólk þar á ferð. Veittar voru viðurkenningar í hverjum hópi fyrir sig fyrir framfarir, ástundun og bætingar. Að auki voru veittir farandbikarar félagsins, í sundinu var það Kristrún Helga sem hlaut Arenabikarinn og Frosti sem hlaut Ólafsbikarinn. Í frjálsum var það Ási Þór sem hlaut Hressbikarinn og í kraftlyftingum var það Aníta Ósk sem hlaut Bætiefnabikarinn.

Eftir viðurkenninga athöfnina var boðið upp á grillaðar pylsur. Fjörður þakkar iðkendum og þjálfurum fyrir frábæran vetur.

Boccia

Sund

Frjálsar

Kraftlyftingar

Sjá má fleiri myndir á facebook síðu Fjarðar: https://www.facebook.com/fjordurithrottafelag

birt á vef 09.06.2025