Fréttir

Íþróttafélagið Fjörður varð um helgina bikarmeistari Íþróttasambands fatlaðra í sundi 14. skiptið í röð. 15 glæsilegir fulltrúar félagsins stóðu sig frábærlega og tryggðu nokkuð öruggan sigur. ÍFR varð í öðru sæti, Ösp í þriðja og Ármann í fjórða. Hópurinn var mjög fjölbreyttur, allt frá sundmönnum að stíga sín fyrstu skref yfir í Paralympics-fara og okkar allra reyndustu sundmenn. Hjörtur Már Ingvarsson setti Íslandsmet í 400m skriðsundi í flokki S5 en hann synti á 7:51,79 og mætti eigið met um rúmar 13 sekúndur. Hér að neða má sjá nokkrar myndir af iðkendum Fjarðar á mótinu.

Til hamingju Fjarðarliðar!!!

 

 

 

Aðalfundur Fjarðar verður haldinn þriðjudaginn 28. mars 2023 í Ásvallalaug, fundarsal 2. hæð og hefst kl. 20:00.
Dagskrá er sem hér segir:
1. Kosning fundarstjóra og fundarritara.
2. Skýrsla stjórnar.
3. Reikningar félagsins.
4. Skýrsla stjórnar og reikningar lagðir fyrir fund til samþykktar.
5. Skýrsla foreldrafélags.
6. Kosið í fastar nefndir félagsins.
7. Lagabreytingar.
8. Kosning stjórnar og félagslegra skoðunarmanna reikninga félagsins.
9. Félagsgjöld/árgjöld.
10. Önnur mál.
11. Fundarslit.

Hið árlega Þorramót Fjarðar í boccia var loksins haldið aftur um síðastliðna helgi eftir tveggja ára hlé. Á þessu skemmtilega móti bjóða iðkendur Fjarðar bæjarstjórnum Hafnarfjarðar og Garðabæjar og stjórnum ÍBH og Fjarðar að mæta og etja kappi í boccia. Þetta mót vekur ávallt mikla gleði meðal bocciaiðkenda Fjarðar og augljóst að gestirnir skemmtu sér einnig konunglega enda boccia afskaplega skemmtileg íþrótt. Lionsklúbbur Hafnarfjarðar sá um dómgæslu og Kiwanisklúbburinn Sólborg bauð upp á veitingar í hléi, þökkum við þeim innilega fyrir það.

Það fór að lokum svo að bæjarstjórn Hafnarfjarðar og þrjár sveitir skipaðar iðkendum Fjarðar komust í úrslit. Þar bar bæjarstjórn Hafnarfjarðar með bæjarstjórann sjálfan fremstan í flokki sigur úr býtum, Raggi, Siggi og lánsmaðurinn Kristinn náðu öðru sæti, Bensi, Ingibjörg og Maggi lentu í þriðja sæti og Guðrún, Nonni og Sigurjón í því fjórða. En fyrst og fremst var það gleðin og vináttan sem réð ríkjum.

Nokkrar myndir af mótinu má sjá hér að neðan.

Fjarðarmótið verður haldið í Ásvallalaug 5. nóvember næstkomandi klukkan 10:00. Upphitun hefst klukkan 9:00. Þátttakendur eru beðnir um að senda inn skráningar í síðasta lagi fimmtudaginn 3. nóvember. Á mótinu verður synt samkvæmt sundreglum IPC. Keppt verður í eftirtöldum greinum:
 
200m skriðsund
50m flugsund
50m baksund
50m bringusund
50m skriðsund
100m flugsund
100m baksund
100m bringusund
100m skriðsund
100m fjórsund
4x50m boðsund karla og kvenna
 
Skráningar skulu sendast á fjordursport@fjordursport.is.
 
Bestu kveðjur,
   Íþróttafélagið Fjörður

Íslandsmót í frjálsum íþróttum utanhús í Kaplakrika 2júli                                Fjarðariðkendur stóðu sig mjög vel og voru allir að bæta sig                          Þau sem urðu Íslandsmeistarar                                                                            Skúli Steinar í 800m hlaupi                                                                                    Aníta Ósk í 800m hlaupi og 1500m hlaupi og setti nýtt Íslandsmet              Úrslit hér  Úrslit móts (fri.is)                                                                                            

Íþróttafélagið Fjörður fagnaði í gær, 1. júní 2022, 30 ára afmæli sínu. Af því tilefni var haldin glæsileg uppskeru- og afmælishátíð. Þar voru iðkendur og sjálfboðaliðar félagsins heiðraðir fyrir glæsilegan árangur vetrarins. Róbert Ísak Jónsson og Aníta Ósk Hrafnsdóttir voru kjörin íþróttakarl og íþróttakona Fjarðar og gaf Gissur Guðmundsson þeim glæsilega bikara fyrir það. Þeim skemmtilega sið hefur hann haldið síðan árið 2007 og þökkum við honum innilega fyrir það. Á hátíðina fengum við góða gesti en fulltrúar frá Íþróttasambandi fatlaðra, Íþróttabandalagi Hafnarfjarðar og bæjarstjórn Hafnarfjarðar mættu á hátíðina, héldu smá ræður afmælisbarninu til heiðurs og færðu félaginu veglegar gjafir. Einnig hlaut Þröstur Erlingsson, formaður félagsins silfurmerki ÍF. Fjörður ákvað einnig að heiðra Guðlaugu Oddnýju Sigmundsdóttur, Guðfinn Karlsson, Anítu Ósk og Svavar Halldórsson með heiðursmerki félagsins. Guðlaug fékk gullmerki, Guðfinnur silfurmerki og þau Aníta og Svavar fengu bronsmerki. Að lokum var svo slegið upp pylsuveislu og gestir gátu gætt sér á gómsætri afmælisköku. Hér að neðan má sjá nokkrar myndir frá veislunni.

Guðfinnur hlaut silfurmerki
Fána félagsins var flaggað
Nóg að gera á pylsubarnum
Pylsuveislan slær alltaf í gegn
Ronja Mary
Róbert Ísak og Aníta Ósk
Róbert Ísak og Gissur Guðmundsson
Aníta Ósk og Gissur Guðmundsson
Hákarlahópurinn
Ronja Mary fékk Ólafsbikarinn
Höfrungar ásamt þjálfurunum, Marinó og Önnu Rósu
Sílahópurinn með þjálfara sínum, Elvu Hrund
Sílahópurinn
Kristín Ágústa fékk hvatningarbikarinn í boccia.
Boccia hópurinn
Hrafnkell Marinósson, formaður ÍBH
Jóhann Arnarson, varaformaður ÍF
Frjálsíþróttahópurinn

Aníta Ósk og Svavar fengu bronsmerki Fjarðar
Þröstur Erlingsson og Jóhann Arnarson, varaformaður ÍF
Róbert Ísak og Aníta Ósk voru kjörin íþrottakarl- og kona Fjarðar
Guðlaug fékk gullmerki félagsins

 

Uppskeru- og afmælishátíð Fjarðar verður haldin 1. júní næstkomandi klukkan 18:00 í veislusalnum Ásvöllum (Haukahúsinu). Þar munum við fagna 30 ára afmæli Fjarðar en félagið var einmitt stofnað 1. júní 1992. Við munum gera upp tímabilið, veita viðurkenningar og fagna svo með pylsuveislu og afmælisköku. Mætum öll með góða skapið. Áfram Fjörður!

 

Íþróttafélagið fjörður varð um helgina bikarmeistari 13 árið í röð á Flokka- og bikarmóti ÍF í sundi. Í þetta skiptið var sigurinn nokkuð öruggur, Fjörður hlaut 707 stig en ÍFR sem lenti í öðru sæti fékk 340 stig og Ösp varð í þriðja sæti með 192 stig. Alls syntu tólf glæsilegir sundmenn á mótinu fyrir Fjörð og allir lögðust á eitt og landaði bikarnum glæsilega eina ferðina enn. Margir urðu flokkameistarar í sínum fötlunarflokki og óskum við þeim innilega til hamingju. Margir voru að bæta sig verulega og aðrir nýttu þetta mót sem undirbúning undir HM sem verður haldið á Madeira í júní. Hópurinn hittist svo að móti loknu og gæddu sér á pizzu og var glatt á hjalla. Hér að neðan má sjá nokkrar myndir af mótinu og fagnaðarlátum Fjarðarliða.

 

Íslandsmót ÍF í frjálsum íþróttum var haldið í Kaplakrika 26.mars. Fjarðariðkendur stóðu sig vel og voru allir að bæta sína tíma.

Þeir sem urðu Íslandsmeistarar eru:
Ásmundur Þór: Langstökki
Aníta Ósk: 800m hlaupi og 1500m hlaupi og einnig nýtt Íslandsmet

úrslit á mótinu má nálgast hér
Úrslit móts (fri.is)

Myndir frá mótinu

Uppfært: Breyttur tími. Aðalfundur hefst klukkan 20:30

Aðalfundur Fjarðar verður haldinn þriðjudaginn 22. mars 2022 í Ásvallalaug, fundarsal 2. hæð og hefst kl. 20:30.
Dagskrá er sem hér segir:
1. Kosning fundarstjóra og fundarritara.
2. Skýrsla stjórnar.
3. Reikningar félagsins.
4. Skýrsla stjórnar og reikningar lagðir fyrir fund til samþykktar.
5. Skýrsla foreldrafélags.
6. Kosið í fastar nefndir félagsins.
7. Lagabreytingar.
8. Kosning stjórnar og félagslegra skoðunarmanna reikninga félagsins.
9. Félagsgjöld/árgjöld.
10. Önnur mál.
     – Stofnun frjálsíþróttadeildar
11. Fundarslit.

Scroll to Top