Íþróttafélagið Fjörður hélt í dag, 1. júní 2017, upp á 25 ára afmæli sitt með glæsilegri afmælis- og uppskeruhátið. Veittar voru viðurkenningar, bæði til iðkenda og annarra velunnara sem voru veitt heiðursmerki félagsins. Vilborg Matthíasdóttir og Pétur Gærdbo Árnason fengu gullmerki félagsins, Hjörtur Már Ingvarsson fékk silfurmerki félagsins fyrir heimsmet í 1500m skriðsundi sem hann setti á árinu, og Ásmundur Þór Ásmundsson og Þorlákur Sigurðsson fengu bronsmerki fyrir áralanga góða ástundun sinna íþrótta hjá félaginu. Ólafur Þórarinsson sem lætur nú í vor af störfum hjá félaginu eftir 25 ára farsælt starf fékk blómvönd frá félaginu og standandi lófaklapp frá öllum í salnum. Ólafur hefur áður fengið gullmerki félagsins.
Jóhann Arnarson varaformaður Íþróttasambands fatlaðra veitti nokkrum af sjálfboðaliðum Fjarðar heiðursmerki ÍF. Ásmundur Jónsson, Vilborg Matthíasdóttir, Guðlaug Oddný Sigmundsdóttir og Ólafur Ragnarsson fengu silfurmerki ÍF og Valgerður M. Fróðmarsdóttir fékk gullmerki ÍF. ÍF færði félaginu einning í afmælisgjöf gjafabréf fyrir nýju bocciasetti sem mun svo sannarlega koma sér vel.
Róbert Ísak Jónsson og Aníta Ósk Hrafnsdóttir voru útnefnd íþróttamaður og íþróttakona félagsins og fengu bikara sem Gissur Guðmundsson gefur enn eitt árið.
Í myndasafninu hér að neðan má sjá helstu verðlaunahafa Fjarðar fyrir tímabiliið sem er að líða.
