fjordur

44057197_1789717934470262_7115447533026934784_nVegna mistaka á Opna breska meistaramótinu í Sheffield fyrr á árinu þá skiluðu þau stig sér ekki í kerfið hjá IPC. Eftir að það var leiðrétt kom í ljós að Róbert Ísak Jónsson hefði með réttu átt að fá verðlaunin „Best Male Junior athlete“ á World Series mótaröðinni og mun hann fá þau verðlaun afhent á næsta alþjóðlega móti sem hann tekur þátt í. Þetta kórónar aldeilis frábært ár hjá Róberti Ísak en á árinu hefur hann meðal annars:

  • sett heims- og Evrópumet í 400m fjórsundi í flokki S14
  • sett 18 Íslandsmet
  • unnið 14 Íslandsmeistaratitla
  • er tvöfaldur bikarmeistari í sundi
  • fengið tvenn silfurverðlaun á Evrópumóti fatlaðra í sundi
  • unnið Sjómannabikarinn á Nýársmóti ÍF þriðja árið í röð



Róbert Ísak er að sjálfsögðu ekki eini íþróttamaður Fjarðar sem hefur gert góða hluti á árinu en auk Róberts hafa Tanya Jóhannsdóttir, Guðfinnur Karlsson, Hjörtur Már Ingvarsson, Ragnar Ingi Magnússon og Aníta Ósk Hrafnsdóttir unnið til Íslandsmeistaratitla á árinu. Hjörtur Már og Guðfinnur hafa báðir synt undir gildandi heimsmetum í sínum flokkum, Hjörtur Már í 200m bringusundi í flokki SB4 og Guðfinnur í 800m skriðsundi í flokki S11. Í byrjun desember munu svo fulltrúar Fjarðar taka þátt á Norðurlandamótinu í Finnlandi og gefst þar tækifæri til að bæta fleiri verðlaunum við safnið. Þar að auki varð Fjörður bikarmeistari ÍF í sundi 11. árið í röð, fyrirliðar voru Tanya Jóhannsdóttir og Ragnar Ingi Magnússon.

Fjörður óskar að sjálfsögðu öllum þessum frábæru íþróttamönnum til hamingju með glæsilegan árangur og hlakkar til að fylgjast með þeim á komandi árum.

Jólamót Fjarðar í boccia fór fram nýliðna helgi. 14 keppendur voru skráðir til leiks og hafa oft verið fleiri en veður og veikindi höfðu nokkur áhrif. Glæsileg tilþrif sáust og gleðin var ríkjandi. Svo fór að Einar Kr. Jónsson stóð uppi sem sigurvegari þriðja árið í röð, Jón Hrafnkell Árnason (Nonni) varð í öðru sæti, Svavar Halldórsson í þriðja sæti og Bjarki Þórhallsson í því fjórða. Lionsklúbbur Hafnarfjarðar sá um dómgæslu og Markó merki gáfu verðlaun og kunnum við þeim bestu þakkir fyrir það. Hér að neðan má sjá nokkrar myndir frá mótinu.

Íslandsmót ÍF og SSÍ fóru fram saman um nýliðna helgi í Ásvallalaug í Hafnarfirði. Fjarðarliðar náðu flottum árangri og náðu samtals í 22 Íslandsmeistaratitla. Róbert Ísak Jónsson og Hjörtur Már Ingvarsson náðu í sex titla hvor, Guðfinnur Karlsson náði í fjóra titla, Ragnar Magnússon þrjá, Tanya Jóhannsdóttir tvo og Aníta Hrafnsdóttir einn. Einnig tók Heiður Björg Egilsdóttir þátt í mótinu og komst fjórum sinnum á pall.

Stærstu tíðindi mótsins verða að teljast að Róbert Ísak synti 400m fjórsund undir gildandi heimsmeti í flokki S14. Róbert Ísak synti á tímanum 4:42,63 og varð í öðru sæti meðal ófatlaðra sundmanna. Einnig setti Róbert Ísak Íslandsmet í 100m flugsundi þegar hann synti í úrslitum á tímanum 59,12 og vann þar til bronsverðlauna meðal ófatlaðra.

Við óskum að sjálfsögðu öllum okkar sundmönnum innilega til hamingju með frábæran árangur.

Úrslit mótsins má nálgast hér.

Sundmenn Fjarðar tóku um helgina þátt í Erlingsmótinu í Laugardalslauginni. Frábær árangur náðist og ber þar hæst að Fjarðarliðar syntu tvíveigis undir gildandi heimsmeti. Á laugardeginum synti Guðfinnur Karlsson 800m skriðsund á 11:32,08 og er það undir gildandi heimsmeti í flokki S11, flokki alblindra. Guðfinnur synti á heimsmetstíma á Erlingsmótinu í fyrra en fékk það ekki gilt þar sem hann hafði ekki fengið alþjóðlega flokkun. Nú hefur verið bætt úr því og fær hann þetta heimsmet því vonandi skráð gott og gilt. Á sunnudeginum synti Hjörtur Már Ingvarsson svo undir gildandi heimsmeti í 200m bringusundi í flokki SB4. Hann synti á tímanum 4:32,54 sem er bæting á gildandi heimsmeti um tæpa mínútu. Frábær árangur hjá þeim félögum.

Guðfinnur vann einnig Erlingsbikarinn en þar er keppt í 100m bringusundi þar sem ræst er með forgjöf eftir tímum sem sundmenn eiga.

Aðrir sundmenn stóðu sig einnig frábærlega og nokkrir að fá sín fyrstu verðlaun á sundmóti. Hér að neðan má sjá nokkrar myndir frá verðlaunaafhendingu mótsins.

IMG_20181014_121459530

IMG_20181014_121604306

IMG_20181014_121702588

IMG_20181014_122320320

IMG_20181014_122549965

IMG_20181014_122838126

IMG_20181014_123010895

IMG_20181014_123029761

IMG_20181014_123039226

IMG_20181013_164334002_BURST000_COVER_TOP

IMG_20181013_164940638

IMG_20181013_165849803

IMG_20181013_170211617

IMG_20181014_120814767

IMG_20181014_120925933_BURST000_COVER_TOP

IMG_20181014_121337342


Á morgun, laugardaginn 29. september verður Paralympic dagurinn haldinn hátíðlegur í Laugardalshöll á milli klukkan 13 og 16. Þar verða íþróttir fatlaðra kynntar. Jón Jónsson verður kynnnir og skorar á gesti í hinum ýmsu íþróttagreinum. Atlantsolíubíllinn mætir og býður upp á pylsur og drykki. Við hvetjum alla til að mæta.

Nánari upplýsingar má finna á facebook síðu viðburðarins.

Stoltir krakkar að lokinni sundsýningu
Stoltir krakkar að lokinni sundsýningu
Fjarðarmótið fór fram um helgina og ríkti mikil gleði í Ásvallalaug á laugardaginn. Gleðin hófst á sundsýningu yngstu iðkendanna og komu þar einnig krakkar úr Öspinni og sýndu með Fjarðarkrökkunum. Allir fengu verðlaunapening fyrir og ríkti mikil gleði með það. Sundmótið fór svo í alla staði vel fram og má helst nefna að Hjörtur Már Ingvarsson úr Firði setti þrjú ný Íslandsmet, í 50m baksundi, 200m baksundi og 100m bringusundi, til hamingju með það Hjörtur.

Á mótinu ákvað félagið einnig að veita Róberti Ísaki Jónssyni silfurmerki félagsins en það má veita fyrir mjög góð afrek í keppni. Róbert Ísak varð á síðasta ári heimsmeistari í 200m fjórsundi í flokki S14.

Öll úrslit mótsins má nálgast hér.

Fjarðarmótið 2018 mun fara fram í Ásvallalaug laugardaginn 15. september. Það hefst með sundsýningu yngstu iðkendenna klukkan 10:30. Upphitun fyrir mótið hefst svo klukkan 12:00 og mótið sjálft klukkan 13:00. Keppt verður í eftirfarandi greinum:

50m skriðsund
50m bringusund
50m baksund
50m flugsund
100m skriðsund
100m bringusund
100m baksund
100m flugsund
100m fjórsund
blandað, 4 x 50m skriðsund.

Skráningargögn verða send út á næstu dögum.

Nú fara sundæfingar að byrja aftur eftir gott sumarfrí. Hákarlar og garpar (elsti hópurinn) byrja miðvikudaginn 22. ágúst, Sverðfiskar (miðhópur) byrja fimmtudaginn 23. ágúst og Höfrungar (minnsti hópurinn) byrja mánudaginn 27. ágúst. Allir æfingatímar eru óbreyttir frá síðasta tímabili. Eina breytingin er að allar æfingar miðhópsins verða í Ásvallalaug þannig að það verður engin æfing í Lækjarskóla. Stefnt er svo að því að hefja boccia æfingar 5. september.

Fjörður varð í dag bikarmeistari ÍF í sundi 11. árið í röð eftir æsispennandi keppni við ÍFR sem lenti í öðru sæti. Úrslitin réðust ekki fyrr en í síðasta sundi og mundaði einungis 128 stigum. Fjörður hlaut 13.488 stig en ÍFR 13.360. Íþróttafélagið Nes frá Reykjanesbæ lenti í þriðja sæti með 4.842 stig og Ösp í fjórða sæti með 2.179 stig. Mótið fór fram í dag á heimavelli okkar í Ásvallalaug. Fyrirliðar voru Ragnar Ingi Magnússon og Tanya Jóhannsdóttir. Margir keppendur voru að keppa á sínu fyrsta bikarmóti og ljóst að framtíðin er björt.

Til hamingju allir Fjarðarliðar.

IMG_20180519_125204091_BURST000_COVER_TOP

IMG_20180519_125459228

IMG_20180519_125202910_BURST000_COVER_TOP

IMG_20180519_124450965

IMG_20180519_125334679

IMG_20180519_125317997

IMG_20180519_125528390


Sex sundmenn frá Firði tóku þátt á Íslandsmótinu í 50m laug um nýliðna helgi og fóru þeir heim með 12 Íslandsmeistaratitla og eitt Íslandsmet. Róbert Ísak Jónsson var atkvæðamestur og vann allar sínar 7 greinar en einnig urðu Tanya Jóhannsdóttir, Guðfinnur Karlsson og Ragnar Magnússon Íslandsmeistarar á mótinu. Guðfinnur setti einnig Íslandsmet í 200m baksundi. Hjörtur Már Ingvarsson og Sigríður Aníta Rögnvaldsdóttir tóku einnig þátt í mótinu og stóðu sig vel. Sannarlega glæsilegur árangur og óskum við þessum flottu sundmönnum okkar til hamingju með árangurinn.

Fjörður hefur gagnrýnt fyrirkomulagið á mótinu en lágmörk voru hert verulega og því voru aðeins um 20 þátttakendur á mótinu og teljum við það ekki íþróttum fatlaðra til framdráttar. Enda hefur það sýnt sig að fjölmiðlaumfjöllun um mótið hefur verið lítil sem engin.

Öll úrslit mótsins má nálgast hér.

Scroll to Top