fjordur

Íþrótta- og ævintýrabúðir ÍF á Laugarvatni

Íþrótta- og ævintýrabúðir ÍF verða nú haldnar í fyrsta sinn í tilefni af 40 ára afmæli Íþróttasambands fatlaðra (ÍF). Búðirnar verða fyrir einstaklinga fædda á árunum 2005-2009 með áherslu á margskonar íþróttagreinar s.s. sund, frjálsar og boltagreinar.

ÍF hefur lagt mikla áherslu á að allir geti stundað íþróttir sér til heilsueflinar og þannig rofið félagslega einangrun. Íþrótta- og ævintýrabúðirnar verða haldnar að Laugarvatni dagana 11.-14. júní næstkomandi og þurfa umsóknir að hafa borist í síðasta lagi föstudaginn 31. maí.

Til að sækja um er hægt að smella á þennan tengil en þar má nálgast skráningarsíðu fyrir verkefnið.

Nánari upplýsingar má finna í tenglinum hér að ofan en í þessum fyrstu búðum verður pláss fyrir allt að 30 einstaklinga á ólíkum aldri og með ólíkar fatlanir. Kostnaði er stillt í hóf því hér er um tilraunaverkefni að ræða og að ÍF fagnar um þessar mundir 40 ára afmæli.

Þátttökugjaldið er kr. 20.000. Innifalið í gjaldinu eru ferðir (Rvk- Laugarvatn- Rvk), fjölbreytt dagskrá auk fæðis og gistingar. Nánari upplýsingar veita íþróttakennararnir og
skipuleggjendur:

Linda Kristinsdóttir s:862 7555
Halldór Sævar Guðbergsson s: 663 9800
Jóhann Arnarson s: 848 4104

Sjá nánar á heimasíðu ÍF

Fjörður varð nú um helgina bikarmeistari í sundi 12. árið í röð en bikarmót ÍF var haldið með nýju sniði og hét nú Bikar- og flokkamót ÍF í sundi. ÍFR varð í öðru sæti og Ösp í því þriðja. Þetta er sannarlega frábær árangur hjá sundmönnunum okkar sem sönkuðu að sér fjölmörgum flokkameistaratitlum. Sumir af okkar sundmönnum voru að keppa á sínu fyrsta bikarmóti og tveir af okkar yngri sundmönnum, Kristrún Helga Þórðardóttir og Guðmundur Atli Sigurðsson, voru fyrirliðar og tóku við bikarnum úr hendi Þórðar Hjaltested formanns ÍF. Hér að neðan má sjá nokkar myndir af mótinu.

Þessa helgina fer fram Íslandsmeistaramót í sundi í 50m laug í Laugardalslauginni. Sundmennirnir okkar stóðu sig glæsilega á fyrsta deginum. Hjörtur Már Ingvarsson fékk gull í 50m skriðsundi. Guðfinnur Karlsson sigraði í 100m bringusundi og varð annar í 400m skriðsundi og Heiður Björg Egilsdóttir fékk silfurverðlaun í 50m skriðsundi. Róbert Ísak Jónsson gerði sér svo lítið fyrir og fékk gull í 100m bringusundi og 100m flugsundi. Í báðum þessum greinum komst hann í úrslit meðal ófatlaðra þar sem hann lenti í fimmta sæti í bringusundinu og varð annar í flugsundinu á nýju Íslandsmeti. Þetta met tryggði honum einnig A lágmark fyrir Paralympics leikana sem haldnir verða á næsta ári í Tokyo. Flottur árangur hjá sundmönnunum okkar og verður gaman að sjá hvað þeir gera á seinni tveimur dögunum.

Einnig fer fram nú um helgina Íslandsmeistaramót í liðakeppni í boccia. Fjörður sendir fjórar sveitir til leiks og verður áhugavert að sjá hvernig þeim gengur.

Aníta og Gunnar Pétur
Aníta og Gunnar Pétur
Sjö Fjarðarliðar lögðu land undir fót fyrr í mánuðinum til að taka þátt i Special Olympics í Sameinuðu arabísku furstadæmunum. Það er ekki ofsögum sagt að árangurinn hafi verið glæsilegur og verðlaunin flæddu til Fjarðarliða. Þó voru aðeins tveir þeirra að keppa í sundi en liðsmenn okkar eru greinilega fjölhæfir og standa sig vel í öðrum iþróttum.

Sundmennirnir okkar vour þau Bára Sif Ólafsdóttir og Róbert Erwin. Bára Sif hlaut gullverðlaun í 100m baksundi og silfur í 100m skriðsundi og Róbert fékk brons í 100m skriðsundi.

Ásmundur Þór Ásmundsson og Elín Fanney Ólafsdóttir kepptu í golfi. Ásmundur nældi í silfurverðlaun á mótinu og Elín Fanney lenti í fjórða sæti, hársbreidd frá verðlaunapalli.

Unnar Ingi Ingólfsson keppti í fimleikum og gerði sér lítið fyrir og fékk gull í stökki og bronsverðlaun í hringjum.

Síðast en ekki síst er það Aníta Ósk Hrafnsdóttir sem fékk gullverðlaun í kúluvarpi, silfur i langstökki og silfur í 4x100m boðhlaupi. Þjálfari Anítu í frjálsum íþróttum er Gunnar Pétur Harðarson en saman sjá þau um að þjálfa yngsta hópinn okkar í sundinu.

Við óskum þessum frábæru íþróttamönnum innilega til hamingju með þennan frábæra árangur.

Um helgina 16. – 17. mars fór fram Ásvallamót SH í sundi og náðu Fjarðarmenn flottum árangri þar. Hjörtur Már Ingvarsson setti tvö Íslandsmet, í 50m og 100m skriðsundi í flokki S5. Auk þess vann Róbert Ísak Jónsson til fernra verðlauna á mótinu en hann hafði sigur í 100m flugsundi, fékk silfur fyrir 200m fjórsund og brons í 200m skriðsundi og 100m bringusundi. Innilega til hamingju með þetta drengir.

Aðalfundur Fjarðar verður haldinn þriðjudaginn 26. mars 2019 í Ásvallalaug, fundarsal 2. hæð og hefst kl. 21:00.
Dagskrá er sem hér segir:
1. Kosning fundarstjóra og fundarritara.
2. Skýrsla stjórnar.
3. Reikningar félagsins.
4. Skýrsla stjórnar og reikningar lagðir fyrir fund til samþykktar.
5. Skýrsla foreldrafélags.
6. Kosið í fastar nefndir félagsins.
7. Lagabreytingar.
8. Kosning stjórnar og félagslegra skoðunarmanna reikninga félagsins.
9. Félagsgjöld/árgjöld.
10. Önnur mál.
11. Fundarslit.

if-samningar-mars-2019net

Mynd fengin af heimasíðu ÍF / www.ifsport.is

Nýtt blað var brotið í sögu íþrótta fatlaðra á Íslandi í dag þegar Íþróttasamband fatlaðra gerði samninga við fimmtán aðila úr afrekshópi sambandsins. Í fyrsta sinn eru afreksmenn ÍF með virkan samning við sambandið og um leið er þetta metupphæð sem sambandið setur í afreksíþróttafólkið og verkefni þeirra eða rétt tæpar 25 milljónir króna!

Þrír sundmenn úr Firði voru meðal þeirra sem skrifuðu undir slíkan samning í dag, þeir Róbert Ísak Jónsson, Hjörtur Már Ingvarsson og Guðfinnur Karlsson. Þetta er glæsilegt skref sem Íþróttasamband Fatlaðra stígur í dag og óskum við Róberti Ísak, Hirti og Guðfinni sem og öðrum sem skrifuðu undir slíkan samning innilega til hamingju með það.

Sjá nánar á vef ÍF

Nýárssundmót fatlaðra barna og unglinga fór fram í dag 5. janúar 2019. Að vanda eru þar margir sundmenn að taka sín fyrstu sundtök í keppni en aðrir hafa gert þetta áður. Fjörður vann öll verðlaun sem í boði voru í kvennaflokknum. Tanya Elisabeth Jóhannsdóttir vann Sjómannabikarinn sem afhentur er fyrir stigahæsta sund mótsins en það fékk hún fyrir 50m skriðsund sem hún synti á 39,50s sem skilaði henni 587 stigum. Tanya syndir í flokki S7, flokki hreyfihamlaðra. Þetta er fjórða árið í röð sem sundmaður úr röðum Fjarðar vinnur sjómannabikarinn en Róbert Ísak Jónsson hafði unnið hann þrjú árin á undan. Nú er Róbert Ísak orðinn of gamall fyrir þetta mót, en hann verður 18 ára á árinu, og var honum veittur eignarbikar fyrir afrek sitt.

Öll úrslit mótsins má nálgast hér.

Nokkrar myndir frá mótinu má sjá hér að neðan.

IMG_20190105_160935554

IMG_20190105_161027169

IMG_20190105_161245436

IMG_20190105_161840474

IMG_20190105_162045822

IMG_20190105_162219820

IMG_20190105_162418874

IMG_20190105_162644215

IMG_20190105_162819690

IMG_20190105_162935824


Verðlaunahafar ÍF / mynd fengin af heimasíðu ÍF
Verðlaunahafar ÍF / mynd fengin af heimasíðu ÍF ifsport.is
Íþróttasamband fatlaðra útnefndi í dag Róbert Ísak Jónsson sem íþróttamann ársins 2018 úr röðum fatlaðra. Eins og fram hefur komið hér á síðunni er árið búið að vera alveg magnað hjá Róberti Ísak, hann hefur meðal annars unnið tvö silfur á Evrópumeistaramótinu, fjóra Norðurlandameistaratitla, 14 Íslandsmeistaratitla, setti 18 Íslandsmet, heims- og Evrópumet auk þess að verða bikarmeistari í sundi, bæði með SH og Firði. Róbert Ísak er í fríi með fjölskyldu sinni á Spáni og því var það amma hans, Vilborg Matthíasdóttir sem tók við verðlaununum. Róbert Ísak sagði í viðtali í gegnum skype að á árinu 2019 ætlaði hann að „synda vel, vera góður og rústa þessu“. Við höfum að sjálfsögðu fulla trú á því að hann muni gera það. Bergrún Ósk Aðalsteinsdóttir, frjálsíþróttakona úr ÍR var valin íþróttakona ársins hjá ÍF. Til hamingju Róbert Ísak og Bergrún Ósk.

Róbert Ísak Jónsson / Mynd af Facebook síðu Íþróttasambands fatlaðra
Róbert Ísak Jónsson / Mynd af Facebook síðu Íþróttasambands fatlaðra
Við sögðum frá því fyrir helgi að Róbert Ísak Jónsson hefði orðið tvöfaldur Norðurlandameistari. Hann gerði svo enn betur um helgina og bætti tveimur titlum í safnið og er því fjórfaldur Norðurlandameistari fatlaðra 2018. Á laugardaginn varð hann fyrstur í 100m flugsundi á tímanum 59,65. Hann lauk svo mótinu með því að sigra í 200m fjórsundi á tímanum 2:14,92. Algerlega frábær árangur hjá Róberti Ísak og óskum við honum innilega til hamingju. Tanya Jóhannsdóttir og Heiður Björg Egilsdóttir syntu í úrslitum í 50m skriðsundi og urðu jafnar í 6. sæti. Guðfinnur Karlsson var svo síðastur Íslendinga til að synda á mótinu þegar hann varð fjórði í 400m skriðsundi á tímanum 5:32,86.
Til hamingju allir með flott Norðurlandamót.

Öll úrslit í mótinu má svo nálgast hér.

Róbert Ísak Jónsson úr Firði varð í dag tvöfaldur Norðurlandameistari fatlaðra. Hann byrjaði daginn á að koma fyrstur í mark í 200m skriðsundi á tímanum 2:00,60, tæpum tveimur sekúndum á undan Finnanum Nader Khalili. Hann bætti svo öðrum titli við í 100m bringusundi þegar hann kom í mark á tímanum 1:10,44. Norðmaðurinn Andreas Skår Bjørnstad varð annar. Guðfinnur Karlsson keppti einnig í þeirri grein og varð sjötti á tímanum 1:26,58, hann keppti svo einnig í 100m baksundi og endaði sjöundi á tímanum 1:26,22. Tanya Jóhannsdóttir keppti í morgun í 100m baksundi en komst ekki í úrslit

Við óskum okkar keppendum til hamingju með glæsilegan árangur og hlökkum til að sjá hvað þau gera um helgina en mótið stendur fram á sunnudag. Fylgjast má með úrslitum mótsins hér.

Scroll to Top